Сотталғандар 41: Жарты жылда 483 жол апаты болған
Биыл өткен жылмен салыстырғанда жол-көлік оқиғасы екі есеге артқан. Бүгінгі таңда жолдағы қайғылы оқиғалар 17 ер адамның, оның ішінде 5 жасөспірімнің және төрт әйелдің өмірін қиған. 15 бала ата — анасынан айырылса, 11 әкесіз, төртеуі анасыз қалған, деп хабарлайды Bizdiң Өskemen.
ШҚО-да бірінші жартыжылдықта жол-көлік оқиғасын жасаған 41 жүргізуші темір торға қамалған. ШҚО прокуратурасының мәліметінше, жол апаттарының негізгі бөлігі жүргізушілердің құқықтық мәдениетінің төмендігімен байланысты.
– Ағымдағы жылдың бес айында облысымызда 483 жол-көлік оқиғасы тіркелді. Өткен жылы 223 жол—көлік оқиғасы болған. Бұл ретте 72 адам зардап шекті, 14 адам қаза тапты (оның ішінде үш кәмелетке толмаған). Сыни статистика адамдардың қаза болуына және жаралануына әкеп соқтырған жол-көлік оқиғасыy есепке алу ережелеріндегі өткен жылғы өзгерістермен байланысты. Егер бұрын адам жеңіл көгеріп, сараптамадан өтуден бас тартса, онда бұл апат статистикаға түспеді. Енді денсаулыққа зиян келтіретін кез-келген мәртебесі бар барлық апаттар есепке алынады. Жол-көлік оқиғасының негізгі түрлері-соқтығысу, аударылу, жаяу жүргіншілерге соқтығысу, оқиғалардың өзге де түрлері, – деп түсіндірді ШҚО прокуратура басқармасының аға прокуроры Рауан Сайранбекұлы.
Бүгінгі таңда жолдағы қайғылы оқиғалар 17 ер адамның, оның ішінде 5 жасөспірімнің және төрт әйелдің өмірін қиған. 15 бала ата — анасынан айырылса, 11 әкесіз, төртеуі анасыз қалған.
Облыс бойынша жол-көлік оқиғасы сыни статистикасына байланысты 19 сәуірден бастап прокуратура қызметкерлері, әкімдік қызметкерлері және полиция қызметкерлері қатарынан рейдтік іс-шаралар жүргізетін ведомствоаралық топ жұмыс істеген. Рейдтер барысында жол қозғалысы ережелерін бұзудың 5000-нан астам фактісі анықталған.
– Бірінші жартыжылдықта облыс соттары 59 істі қарады. Қылмыстық жазалау шараларын тағайындаумен 54 айыптау үкімі шығарылды. Оның ішінде 41 адам бас бостандығынан айырылды. Жеті адам бостандықты шектеуге сотталды. Айыппұлға — екеуі, қоғамдық жұмыстарға төртеуі тартылды, – Рауан Сайранбекұлы.
Бас бостандығынан айыруға сотталғандардың негізгі бөлігі мас күйінді көлік тізгіндеген.
