Өскеменде спорт жұлдыздары ашық жаттығу өткізеді
Өскеменде «Чемпиондық рух» жобасы аясында спорт жұлдыздары ашық аспан астында таңғы жаттығу өткізеді, деп хабарлайды Bizdiң Өskemen.
«Чемпиондық рух» жобасы еліміз бойынша кең көлемде жүзеге асырылып келеді. Бұл – жай ғана жаттығу емес, бұл – ұрпақтарды біріктіретін, мінезді шыңдайтын қозғалыс.
Ертең облыс орталығындағы «Жеңіс» саябағында таңғы сағат 08.00-де жаттығу ұйымдастырылады.
Іс-шараға дзюдо және самбодан Қазақстан чемпионы, ҚР спорт шебері Руслан Ақтаев, дзюдошы Руслан Закарьянов, слаломшы Екатерина Смирнова, боксшы Александр Милейко және басқа да спортшылар қатысады.
