Өскеменде шағын футбол алаңы ашылды

Өскемендегі Әл-Фараби даңғылы, 40 мекенжайында балаларға арналған футбол алаңы ашылды, деп хабарлайды Bizdiң Өskemen ШҚО әкімінің баспасөз қызметіне сілтеме жасап. 

Тұрғын үйлердің ауласында аумағы 600 шаршы метр болатын жаңа спорт алаңы салынды. Құрылыс жұмыстары мамыр айының соңында басталып, кеше алаңның ресми ашылуы өтті.

Ашылу салтанатына жақын маңдағы үйлердің тұрғындары, балалар және қалалық спорт бөлімінің өкілдері қатысты. Енді балалар жаңа алаңда күн сайын сабақтан кейін жиналып, футбол ойнап, жаттыға алады.

Жобаны «Таза Өскемен» мердігер ұйымы мен «Сантехэлектромонтаж» қосалқы мердігері жүзеге асырды.

Қаладағы тағы бір аула балалардың бос уақытын тиімді өткізуге арналған жайлы кеңістікке айналды.