ШҚО-да 35 градусқа дейін ыстық болады
Синоптиктер 9–11 маусым аралығына арналған ауа райы болжамын жариялады, деп хабарлайды Bizdiң Өskemen.
– 9-11 маусым күндері республиканың солтүстік-батысында және солтүстігінде, 11 маусымда оңтүстік-шығысында қатты жаңбыр күтіледі. Кезеңнің басында шығыс өңірлерде, ал кезеңнің ортасынан бастап оңтүстік-батыс өңірлерде жауын-шашынсыз ауа райы басым болады, – делінген хабарламада.
Күндізгі ауа температурасы:
– еліміздің батысында +27…+35°С дейін жоғарылайды;
– солтүстігінде +17…+28°С дейін төмендейді;
– солтүстік-шығысында және орталығында аптап ыстықтың аздап бәсеңдеуі байқалып, +25…+33°С болады;
– оңтүстігінде және оңтүстік-шығысында +27…+35°С шамасында сақталады;
– шығысында +32…+39°С дейін жоғарылайды.
«Қазгидромет» ШҚ филиалының мәліметінше, бүгін облыстың шығысында өткінші жаңбыр, найзағай күтіледі. Жел солтүстік-батыстан, солтүстіктен соғады.
Күндіз ауа температурасы 35 градусқа дейін көтеріледі. Өскеменде жоғары өрт қаупі сақталады.
