Неліктен UNESCO дәстүрлі қолөнерге ерекше көңіл бөледі

Дәстүрлі қолөнерді сақтау UNESCO ұйымының басты басымдықтарының бірі болып қала береді. Бұл туралы бүгін облыс орталығында өткен «Ғасырлар дәстүрі» халықаралық кілем тоқу фестивалінің ашылуына арналған көшпелі баспасөз конференциясында айтылды.

– UNESCO әрдайым табиғи мәдени мұраға ерекше мән береді. Жаһандану жағдайында материалдық емес мұра тез жоғалып барады. Біз бұған куә болдық, бүкіл әлем осы мәселеге тап болды. Сондықтан біз осындай қолөнер түрлерін насихаттап, дәстүрлерді жас ұрпаққа жеткізуге ұмтыламыз, – деп түсіндірді Қазақстанның материалдық емес мәдени мұраны қорғау жөніндегі ұлттық комитетінің мүшесі Жанерке Шайғозова.

Еске сала кетейік, «Ғасырлар дәстүрі» фестивалі Өскеменде 14 мамырда басталып, 17 мамырға дейін жалғасады. Іс-шара Шығыс Қазақстан облыстық этнографиялық музейінің Сол жағалау кешені аумағында өтеді. Ұйымдастырушылардың айтуынша, бұл – кілем тоқу, алаша тоқу, сондай-ақ текемет пен сырмақ жасау өнерінің үздік шеберлері бас қосатын бірегей алаң.

Фестивальге сегіз елден және Қазақстанның барлық өңірлерінен 800-ден астам сәндік-қолданбалы өнер шебері қатысады. Іс-шараға барлық ниет білдірушілер тегін қатыса алады.