Өскеменде «Ғасырлық дәстүрлер» халықаралық фестивалі өтеді

15-17 мамыр күндері облыстық сәулет-этнография және табиғи-ландшафтық музей-қорығының Сол жағалау кешені аумағында «Ғасырлық дәстүрлер»  халықаралық кілем тоқу фестивалі өтеді, деп хабарлайды Bizdiң Өskemen.

Ұйымдастырушылардың айтуынша, фестиваль төрінде 8 мемлекеттен және ел өңірлерінен келген таңдаулы қолөнер шеберлері бас қосып, ЮНЕСКО сарапшылары мен «Аламан құрақ» жобасының қатысушылары ұлттық өнермен қуантады.

Халықаралық музейлер күніне орай өтетін ауқымды іс-шараға 8 мемлекеттен және ел өңірлерінен 800-ден аса қолөнер шебері қатысады.

Ұзындығы екі шақырымнан асатын құрақ көрпе жайылып, әлемдік рекорд жаңартылмақ.

Фестивальді Шығыс Қазақстан облысы әкімдігінің қолдауымен облыстық мәдениет басқармасы ұйымдастырады.