ШҚО-да Ұлы Отан соғысы ардагерлеріне 5 млн теңгеден берілді

Шығыс Қазақстан облысында Жеңіс күніне орай Ұлы Отан соғысының ардагерлеріне 5 млн теңге (10 мың АҚШ долларынан астам) көлемінде біржолғы материалдық көмек көрсетілді, деп хабарлайды Bizdiң Өskemen.    

Қазіргі таңда өңірде алты ардагер тұрады. Оның бесеуі Өскемен қаласында, біреуі Глубокое ауданында.

Жалпы әлеуметтік қолдау шараларымен облыстың үш мыңнан астам тұрғыны қамтылды.

Соғыс ардагерлерінен бөлек, басқа да санаттағы азаматтарға көмек көрсетілді: мемлекеттік наградалармен марапатталған тыл еңбеккерлері, бұрынғы концлагерь тұтқындары, Ленинградта қоршауда болған тұрғындар, сондай-ақ қаза тапқан әскери қызметшілердің жесірлері мен жұбайлары – оларға 130 мың теңгеден төленді. Наградасы жоқ тыл еңбеккерлері 80 мың теңгеден алды.

Сонымен қатар ардагерлер үшін санаторий-курорттық емдеу қарастырылған. Бұл мақсатқа арналған шығындар жергілікті бюджеттерде көзделген.