«Жомарт» кенішінде жетінші жұмысшының денесі табылды
Ұлытау облысы Жаңаарқа ауданында орналасқан «Қазақмыс корпорациясының» «Жомарт» кенішінде апат болды.
Ресми дерекке қарағанда, шахтада тау массасы құлаған. Төтенше жағдай аймағында шахтаның 7 қызметкері қалғаны хабарланған болатын.
Құтқарушылар алдымен алты қызметкердің денесін тапты. Кейінірек жетінші адамның денесі де табылды.
Төтенше жағдайлар министрлігі баспасөз қызметінің хабарлауынша, қаза тапқан жеті жұмысшының денесі жоғарыға көтеріліп, сот-медициналық сараптама жүргізу үшін полиция қызметкерлеріне тапсырылды.
