Өскемендегі №44 лицей ғимараты жаңғыртылады

Бүгін ШҚО әкімі Нұрымбет Сақтағанов №44 мектептегі соңғы қоңырауға қатысты. 

Соңғы қоңырау соғылған соң аймақ басшысы лицей ғимаратының ішін аралап көрді. Облыс әкімі білім басқармасына лицей ғимаратын қайта жаңғырту үшін жобалық-сметалық құжаттама әзірлеуді тапсырды.

— №44 лицей — өңірдегі үздік білім ордаларының бірі. Мектеп ұжымының жетістіктерімен танысып, ғимаратты қайта жаңғырту мәселесін де талқыладық. ШҚО Білім басқармасына осы бағытта жобалық-сметалық құжаттама әзірлеу міндетін қойдым, — деп атап өтті аймақ басшысы.