Өскеменде Үлбі өзеніне батып кеткен екінші адамның денесі табылды

ШҚО Төтенше жағдайлар департаменті баспасөз қызметінің мәліметіне сүйенсек, 3 мамыр күні Согра шағын ауданындағы Үлбі өзеніне барып, шомылған екі жігіт суға батып кеткен.

Бір адамның мәйіті сол күні табылды. Ал екіншісінің денесін іздеу жұмыстары бірнеше күнге созылды.

— Оның мәйіті оқиға орнынан екі шақырым жердегі Степное ауылының маңындағы таяз судан табылды. Іздеу жұмыстары күн сайын, соның ішінде дрондарды пайдалану арқылы жүргізілді, — деп хабарлады ведомство өкілдері.

Айта кетейік, суға кеткен азаматтың екеуі де 23 жаста болған.