Артемьев шахтасында жұмысшы қайтыс болды — ШҚО

Шығыс Қазақстан облысындағы Артемьев шахтасында жазатайым оқиға орын алды. 

«Шығыстүстімет» ЖШС нысанында 2026 жылдың 9 мамырында қайғылы жағдай орын алды.

Жөндеу жұмыстарын жүргізу кезінде шаң желдету қызметінің механигі шамамен 9 метр биіктіктен құлап, мерт болды.

«Жазатайым оқиғаның себептері мен мән-жайларын анықтау үшін арнайы комиссия құрылды. Тергеу шаралары жүргізілуде», — деп хабарлады КAZ Minerals тобы корпоративтік департаментінің менеджері Ермек Дүзкенов. 

KAZMinerals компаниясы қаза тапқан қызметкердің туыстары мен жақындарына көңіл айтып, марқұмның отбасына барлық қажетті көмек көрсетілетінін жеткізді.