Өскемендегі ғимараттардың бірінде өрт шықты

Өскемендегі Борис Александров көшесінде орналасқан жеке тұрған бильярд залында өрт шықты, деп хабарлайды Bizdiң Өskemen.         

Өрт сөндірушілер келген кезде ғимараттан қою қара түтін шығып жатқан.

– Ғимараттың цокольдық қабатында орналасқан заттар мен жиһаздар жанған. Өрт сөндірушілер түтін басқан ғимаратқа кіріп, негізгі жалынды сөндірді және зардап шеккендердің бар-жоғын анықтау үшін барлық бөлмелерді тексерді. Зардап шеккендер анықталған жоқ, – деп хабарлады ШҚО ТЖД.

Өрт 25 шаршы метр аумақта сөндірілді. Құтқарушылар өрт ошағынан газ баллонын алып шықты.

Өрттің шығу себебі анықталып жатыр.