Өскеменде «Әке time» ашық диалог алаңы өтті

Отбасы күніне орай облыс орталығында «Әке time» ашық диалог алаңы өтті.

Іс-шараға түрлі салада еңбек етіп жүрген әкелер қатысып, жастармен отбасы құндылықтары, әкелік жауапкершілік пен бала тәрбиесі туралы ой-пікірлерімен бөлісті.

Ашық диалог барысында әкенің отбасындағы рөлі, балаға үлгі болудың маңызы және отбасылық дәстүрлерді қалыптастыру мәселелері талқыланды.

Басты мақсат – жастар арасында отбасы құндылықтарын дәріптеп,
әке беделін арттыру және саналы ұрпақ тәрбиесіне қоғамның назарын аудару.