ШҚО-да әлеуметтік маңызы бар азық-түлік тауарларының бағасына бақылау күшейтілді
Жыл басынан бері Шығыс Қазақстан облысы бойынша Сауда және тұтынушылардың құқықтарын қорғау департаменті дүкендерді, ірі супермаркеттер мен азық-түлік базарларын қоса алғанда, 80 бизнес субъектісіне тексеру жүргізді, деп хабарлайды Bizdiң Өskemen.
Тексеру іс-шараларының қорытындысы бойынша департамент 75 заңнама бұзушылықты анықтады. Тәртіп бұзушыларға қатысты жалпы сомасы 943 611 теңгеге 75 әкімшілік айыппұл салынды.
– Әлеуметтік маңызы бар азық-түлік тауарлары – бұл мемлекет тарапынан реттелетін өнімдердің тізбесі, бүгінгі таңда оның құрамына 31 атау кіреді. Негізгі позициялардан (ұн, нан, рожки, қарақұмық, күріш, картоп, сәбіз, пияз, қырыққабат, қант, күнбағыс және сары май, тауық еті, сүт, айран, ірімшік, С1 санатындағы жұмыртқа және тұз) бөлек, бұл тізімге сиыр еті, қой еті, жылқы еті, қияр, қызанақ, алма және басқа да сұранысқа ие өнімдер енгізілген, – делінген хабарламада.
Департамент кәсіпкерлерге ӘМАТ тізіміндегі өнімдердің барлық 31 атауына белгіленген шекті бөлшек сауда үстемесінің мөлшері қатаң шектелгенін және өндірушінің немесе көтерме жеткізушінің босату бағасынан 15%-дан аспауы тиіс екенін ескертеді.
