Өскеменде көшеде әйел адамның алқасын жұлып алып кеткен күдікті ұсталды
Өскеменде Назарбаев даңғылында дүкендердің бірінің маңында ер адам әйелдің алқасын жұлып алып, қашып кеткен, деп хабарлайды Bizdiң Өskemen.
ШҚО ПД Жедел басқару орталығының 102 арнасына Назарбаев даңғылында күндізгі уақытта орын алған тонау фактісі туралы хабарлама түскен.
Әйел адамның айтуынша, дүкен маңында белгісіз ер адам оның мойнындағы алтын алқасын жұлып алып, оқиға орнынан қашып кеткен. Жәбірленуші сол жерде қалып, полицияның келуін күткен.
– Үлбі полиция бөлімінің қызметкерлері дереу күдіктіні іздеуге кірісті. Бейнебақылау камераларының көмегімен полицейлер оның қозғалыс бағытын анықтады. Көп ұзамай ер адам оқиға орнына жақын маңдағы аулалардың бірінен байқалды. Полиция қызметкерлері 37 жастағы ер адамды ұстады, – деп хабарлады ШҚО Полиция департаменті.
Аталған факті бойынша қылмыстық іс қозғалды.
