ШҚО-да дауыс берушілер бауырсақтан дәм татуда

ШҚО-да Сайлау күні тұрғындарға көтеріңкі көңіл-күй сыйлайтын игі бастамалар жалғасуда. Сайлау учаскелерінің маңында тұрғындарға ұлттық тағам — бауырсақ ұсынылып, ыстық шай берілуде.

Дауыс беруге келген тұрғындар өз таңдауын жасап қана қоймай, қазақтың дәстүрлі дәмінен ауыз тиіп, жылы атмосферада уақыт өткізуде.

Ұлттық тағамнан дәм тату тұрғындарға ерекше көңіл-күй сыйлап, сайлау күнінің берекелі әрі жайлы өтуіне үлес қосуда.