Өскемендегі онкоорталықта ашық есік күні өтеді

15 тамыз күні Шығыс Қазақстан облыстық көпсалалы онкология және хирургия орталығында ашық есік күні өтеді, деп хабарлайды Bizdiң Өskemen.

15 тамыз сағат 09:00-ден 13:00-ге дейін өкпе ауруларын ерте диагностикалау және алдын алу мәселелері бойынша орталықтың жетекші мамандары тегін консультациялық қабылдау жүргізеді.

– Қажет болған жағдайда қосымша зерттеулер жүргізіледі. Қабылдау алдын ала жазылусыз жүргізіледі. Учаскелік дәрігердің жолдамасы қажет емес. Өзіңізбен бірге жеке куәлік, сондай-ақ бар болған жағдайда бұрын жасалған тексерулердің нәтижелерін (КТ, рентгенологиялық зерттеулер, флюорография, медициналық қорытындылар) алып келу қажет, – делінген хабарламада.

Онкологиялық орталықтың мекенжайы: Потанин көшесі, 6, 1-корпус (консультативтік-диагностикалық бөлімше).

Анықтама телефондары: +7 (7232) 20-89-97, +7 771 944-48-08.