ШҚО-да жазда демалуға қайда баруға болады?

Туризм және спорт министрлігі отандық және шетелдік қонақтарға баруға тұрарлық Шығыс Қазақстан облысындағы жазғы демалысқа арналған топ-8 бағытты ұсынды, деп хабарлайды Bizdiң Өskemen.

Марқакөл көлі және Марқакөл мемлекеттік табиғи қорығы

– Марқакөл мемлекеттік табиғи қорығының дәл жүрегінде орналасқан, суы мөлдір биік таулы көл;

– Жаяу серуендеу, экологиялық туризм, құстарды бақылау, фототурлар;

– Оңтүстік Алтайдың бірегей ландшафттары, шолу алаңдары, жануарлар мен өсімдіктер дүниесінің байлығы, жергілікті халықтың дәстүрлі тұрмыс-тіршілігі.

Қаракөл көлі

– Мұзтау тауына панорамалық көрініс ашылатын Қазақстандағы ең көркем биік таулы көлдердің бірі;

– Жаяу жорықтар, фототурлар, балық аулау, табиғат аясындағы демалыс;

– Алтайдың қол тимеген табиғаты, альпілік шалғындар, тау пейзаждары.

Сібе көлдері

– Мөлдір сулы, гранитті жартастармен қоршалған бес көлден тұратын табиғи кешен;

– Суға шомылу, дайвинг, сапбординг, кемпинг, балық аулау;

– «Аблайкит» археологиялық кешені, көркем жартасты алқаптар мен табиғи панорамалар.

Бұқтырма су қоймасы

– Көптеген демалыс базалары мен құмды жағажайлары бар Қазақстандағы ең ірі су қоймаларының бірі;

– Жағажай демалысы, катерлермен және яхталармен серуендеу, су аттракциондары, балық аулау;

– Көркем шығанақтар, заманауи демалыс аймақтары. 

Риддер қаласы және Батыс Алтай мемлекеттік табиғи қорығы

– Салқын климаты, тайгасы және көптеген туристік маршруттары бар таулы өңір;

– Треккинг, маунтинбайк, экскурсиялар, жидек пен саңырауқұлақ теру, фототурлар;

– Таулы көлдер, альпілік шалғындар, Алтайдың бай флорасы мен фаунасы. 

Киін-Керіш шатқалы

– Түрлі-түсті сазды шатқалдарымен танымал, «Жанған жартастар» атанған бірегей табиғат ескерткіші. Миллиондаған жылдар бойы жел мен судың әсерінен ерекше табиғи ландшафттар қалыптасқан;

– Жаяу серуендеу, фототурлар, жол талғамайтын көлікпен саяхаттар, табиғи ландшафттарды тамашалау;

– Түрлі-түсті шатқалдар, ерекше жартас пішіндері, панорамалық көріністер мен таңғажайып табиғат көріністері. 

Катонқарағай мемлекеттік ұлттық табиғи паркі

– ЮНЕСКО-ның биосфералық резерваттарының дүниежүзілік желісіне енген Қазақстанның ұлттық табиғи паркі. Аумағы ерекше биоалуантүрлілігімен және қол тимеген табиғи ландшафттарымен ерекшеленеді;

– Треккинг, экологиялық туризм, атпен саяхаттау, кемпинг, фототурлар және жабайы табиғатты бақылау;

– Мұзтау тауы, Көккөл сарқырамасы, Берел қорғандары, Рахман қайнары, альпілік шалғындар және Алтайдың көркем аңғарлары.