Өскемендегі Гагарин бульвары көшесі абаттандырылады

11 маусым күні Өскемен қаласының әкімі Алмат Ақышов Гагарин бульвары көшесін аралап шықты, деп хабарлайды Bizdiң Өskemen.

– Гагарин бульвары көшесін аралау барысында өскен шөптерді шабу, ағаш бұтақтарын ретке келтіру, жол жабынының жай-күйі және абаттандыруға қатысты бірқатар мәселелер көтерілді. Анықталған кемшіліктер бойынша жауапты сала мамандарына нақты тапсырмалар берілді, – деп жазды шаһар басшысы өзінің әлеуметтік желідегі парақшасында.

Алдағы уақытта Гагарин бульварын ретке келтіру бағытында кешенді жұмыстар жүргізіліп, аумақтың санитарлық жағдайы мен көркі жақсартылады.