ШҚО-да «Қазақстанның үздік тауары – 2026» және «Бір ауыл – бір өнім» конкурс-көрмесі өтеді

Шығыс Қазақстан облысының Кәсіпкерлер палатасы 13 маусым күні өңір тұрғындары мен қонақтарын жыл сайынғы өңірлік «Қазақстанның үздік тауары – 2026» және «Бір ауыл – бір өнім» конкурс-көрмесіне қатысуға шақырады. 

Бұл күні қонақтар өңірде өндірілген бірегей өнімдермен танысып, жаңа брендтерді ашып, жергілікті тауар өндірушілерді қолдап, Шығыс Қазақстан бизнесінің үздік жетістіктерін тамашалай алады.

Өңірдің бизнес-қоғамдастығының 20-дан астам өкілі өз өнімдерін жәрмеңкеде ұсынады: шай, бал, зергерлік бұйымдар, киізден жасалған бұйымдар, ірімшіктің әр түрі, құрт, қолдан жасалған сабын, саздан жасалған бұйымдар, қымыз және тағы басқалар.

— Іс-шара аясында Шығыс Қазақстан облысы кәсіпкерлерінің үздік тауарлары мен өнімдері, сондай-ақ «Бір ауыл – бір өнім» байқауына қатысушылардың жобалары ұсынылады. Келушілер өнімдерді тікелей өндірушілер бағасымен сатып ала алады. Сіздерді өңірдің басты көрме алаңында күтеміз! — деп хабарлайды ШҚО Кәсіпкерлер палатасы.

🕛 Уақыты: сағат 12:00

📍 Өтетін орны: «Maxi Mall» сауда-ойын-сауық орталығы, Сәтбаев даңғылы, 51