Өскеменде республикалық «Showmen Fest 2026» фестивалі өтеді

Өскеменде креативті индустрияны дамыту аясында жүргізушілер арасында республикалық «Showmen Fest 2026» фестивалі өтеді, деп хабарлайды Bizdiң Өskemen. 

Фестиваль 28 мамыр күні сағат 19:00-де Шығыс Қазақстан облыстық драма және оперетта театрында (Тоқтаров көшесі, 47а) ұйымдастырылады.

Байқаудың мақсаты – конферанс өнерін насихаттау, іс-шара жүргізушілердің кәсіби деңгейін арттыру, талантты жүргізушілерді анықтап, қолдау көрсету.

Қатысушылардың өнерін бағалайтын қазылар алқасының құрамында танымал асабалар мен шоумендер бар: Есқара Бейбітов, Жандарбек Бұлғақов, Сырым Әуезхан.