Қытайлық туристер үшін Самар жағалауына арнайы туристік маршрут әзірленіп жатыр
Қытайдың туристік операторлары Самар ауданының Туризм орталығымен ынтымақтастықты белсенді түрде дамытып жатыр. Қазіргі таңда қытайлық туристерге арналған Самар жағалауына арнайы туристік маршрут әзірленіп жатыр, деп хабарлайды Bizdiң Өskemen.
– Бүгінде ауданға екінші туристік компанияның өкілдері келіп, қонақтарды орналастыру жағдайларымен, демалыс базаларының инфрақұрылымымен және өңірдің туристік мүмкіндіктерімен танысты, – деп хабарлады Самар ауданы әкімдігі.
Естеріңізге сала кетейік, сәуір айының соңында Қытайдың туристік компанияларының өкілдері Самар ауданына арнайы келіп, аудан басшылығымен алдағы ынтымақтастық туралы келісім жасаған болатын. Туристік маусымның қызған кезінде Самар жағалауында Қытайдан келетін 200-ге дейінгі турист бір мезетте демала алады деп күтілуде.
